CONTIGNÜS TI MEDIA
- 04.08.2023 – La Usc di Ladins – I Kyrios s’arjigna al gran iubileum (deplü)
- 11.11.2023 – La Usc di Ladins – “50 agn sot la medema stëra” (deplü)
- 14.11.2023 – Trasmisciun tl radio “Ladinia Live” cun Alessandro Dapunt (deplü)
- 17.11.2023 – La Usc di Ladins – “Kyrios: n liber por le iubileum” (deplü)
- 18.11.2023 – TRAIL (deplü)
- 21.11.2023 – TRAIL (deplü)
- 24.11.2023 – Trasmisciun tl radio “Dai Crëps dl Sela” cun Georg Mussner (deplü)
- 01.12.2023 – La Usc di Ladins – “50 agn sot la medema stëra” (deplü)
- 12.12.2023 – TCA notiziar ladin de Egon Vinatzer (deplü – menüt 07:28)
- 06.12.2023 – Articul tl foliet ALTO ADIGE – “Kyrios, evento per i 50 anni del coro della Val Badia” (deplü)
- 13.12.2023 – TRAIL SPEZIAL – “50 agn Kyrios: n cor sciöche na secunda familia” (deplü)
FOTO (deplü)
LIBER SCRIT EN GAUJIUN DL IUBILEUM (deplü)
Plüdadî êl, sciöche ince aldedaincö, ri da trá i jogn te dlijia. Siur Iaco Ploner da La Plí de Mareo, che ê laota caplan a Badia, â capí che brunturé, perdiché y purvé da sfurzé sö la cossa ne portâ nia a tröp. Ël orô porté müjiga ritmica moderna te dlijia por ti dé plü sbunf y atrativité ales funziuns religioses. Fora dla Val Badia êl bele da tröc agn incá da aldí chësta sort de müjiga te dlijia.
Oramai él bele passé 50 agn da canche Siur Iaco Ploner á chirí n valgügn jogn y jones por mët sö n cor dal inom Kyrios. Chësta parora greca ó dí („Gejú nosc Signur“). Nasciü é le cor cun le fin da acompagné les mësses cun cianties ritmiches religioses te deplü lingac, mo ince por abelí d’atres festes.
Metü man á l’aventöra tla scora mesana da La Ila tratan l’altonn 1973 cun n pice tambürl a man, n trianghel y les “nacheres”. Tl’aria podônse sintí n gröm de emoziuns, valgügn s’la riô, d’atri se dodâ, mo a tröc ci savôl bel, sciöche Siur Iaco Ploner scrí cun süa man tl pröm liber de cronaca di Kyrios. Tröpes sëres zënza sonn á acompagné suradöt tratan i pröms tëmps le fondadú, tröc ê sü pinsiers y sü crüzi. Ci stromënc ê pa adatá a acompagné le cor? Ula essun pa podü jí ai tó y che ess pa podü i daidé finanzié?
La paziënza y la motivaziun di jogn pioniers y jones pionieres á porté pro a desgropé chëstes y n gröm d’atres desfides.
Baldi á le fondadú Siur Iaco Ploner messü lascé tl 1975 le paisc de Badia por jí a Algund. Chësta noela é stada na gran spordüda por le cor che dô da cürt tëmp messâ lascé jí so fondadú. Impó se ai dé forza l’un cun l’ater y é insciö stá bogn da tigní impé l’ativité dl cor. Le cor chersciô y adöm a ël ince sües ativités.
Incër l’ann 1981 él gnü metü sö sön proposta de n valgönes ciantarines ince n secundo grup di Kyrios, i pici Kyrios. Chësc grup ê metü adöm da mituns y mitans dla scora elementara de Badia. I Kyrios adöm ai pici Kyrios á ince albü la fortüna da registré la vëta: Oh munts y vals ladines, metüda adöm da 12 cianties ladines
Suradöt tl mët man ne l’á i Kyrios, por deplü rajuns, nia albüda saurida, mo ai ne l’á por fortüna mai dada sö.
Insciö podunse dí cun superbia y ligrëza che le cor jonil é in pe da bëgn 50 agn y che le dejîr dl fondadú é deventé realté: „Nos un metü man na esperiënza de vita che dess jí inant.”. Porchёl se ralegrunse da podëi festejé le iubileo di 50 agn.
En chësta ocajiun organisëia i Kyrios na festa partida ite te 3 dis, plü avisa ai 17, 18 y 19 de novëmber 2023 a Badia.
Al ves aspeta n program desvalí y plajor olache al se fajess gran plajëi da ves odëi en tröc. La festa gnará daurida cun la presentaziun dl liber scrit por l’ocajiun y la domënia ves aspetarál danter l’ater na mëssa ciantada da düc i Kyrios, mëmbri atifs y nia. La sabeda é la festa esclusivamënter dedicada ai mëmbri atifs y nia, olache al ne manciará nia val’ sorpresa.
