Tres les plates de chësc liber podëise descurí la storia de n cor: i Kyrios.
Acompagná da fotografies y contignüs multimediai arëise la poscibilité da jí fora por 50 agn de ativité, danter desfides y sodesfaziuns.
En valgügn mëmbri ves cuntará i elemënc fondamentai y ves presentará les porsones che á contribuí a realisé chësta gran familia.
Un descedé Osc interesc? Contatëiesse o passa tles botëghes Despar-Cavallino a Badia y Malbo a Pidrô a cumpré le liber.
______________________
La storia di Kyrios é scialdi lungia, le cor é teco in pe dal 1973: “50 agn sot la medema stëra”. Avisa chësc é le titul che i Kyrios a orü ti dé a so liber realisé aposta por la gran festa de iubileum da n valgügn mëmbri atifs, basé sön inputs di pioniers. Ai á orü descurí la gran storia dl cor y les porsones che á contribuí a realisé la gran familia di Kyrios te na manira variada y inovativa, n’ái pa injunté rimes, fotografies, intervistes y cinamai contignüs multimediai por partí melodies, emoziuns, amizizies, aventöres, crises, sacrifizi y sodesfaziuns. Le dër liber por chi che ó lí de vigni sort de testimonianzes, descurí val’socrët y ince ascuté na ciantia o l’atra.
