Conzert da Nadè di cors y la müjiga de Badia

En vëindres, ai 28 de dezëmber, à i cors y la müjiga de Badia tignì en conzert da Nadè tla dlijia de Badia. Al é gnü presenté de vigni sort de stils, dal tradizional « Transeamus », al modern « Laudate » dl componist Thomas Doss, ales cianties inglejes sciöche « Oh happy day » o « O holy night ». Sambëgn ne al nia mancé la ciantia « Stille Nacht ». Por chësc proiet se à incuntè daimprò ales 150 porsones. La spënora a fin de bëgn ti é jüda ales families tocades dala roa.

Chësta é dessigü stada na esperiënza ch’à arichì düc chi ch’à fat para a chêsc proiet, y nia in ultim ince le publich, che s’à presenté dër numerus.