I Kyrios é gnüs metüs sö tl’ann 1973 da Siur Iaco Ploner che fô te chël tëmp caplan a Badia. Kyrios é na parora greca y al ò di: « L’ Signur, nosc pere dl cil ».

Chësc grup é nasciü pur acompagné les santes mësses, mo ince festes de dlijia, nozes, crejimes cun cianties ritmiches religioses te deplö lingac. Dessigü ne él nia stè saurì da purtè chësta sort de müjiga tles dlijies dla Val Badia. Chësta ne fô nia ciamò dër cunesciüda chilò da nos, deache chilò da nos gnel scialdi ma cianté latin te dlijia cun l’acompagnamënt di orghi de dlijia o de val’ strumënt a fle. Purté na bateria o n implant a usc « Singanlage », cun düc sü cabli y aparac te dlijia, fô pur valgügn n te pice scandal. Insciö él stè i prüms agn plötosc rî da gní azetà .

Pur furtüna che i Kyrios pudô cuntè sön la simpatia y l’ sostëgn de na gran pert dla jënt. A tröc ti plajô chësta sort de müjiga y insciö ne s’à  i Kyrios mai lascè spriguré. Cun l’aiüt de Siur laco esi sta bogn da tigní adüm ti bi y ti bur mumënc y da purtè inant chësta forma de parora de Chël Bel Dî fina al dédaincö.