„Kyrios – Live in Concert“ chësc é le inom dl CD nü dl cor di jogn Kyrios che é da ciafè da comprè. Al se trata de n CD dal vì, che é gnü registré tratan i conzerć fac a La Ila tartan le isté 2012. Le CD tol ite tòć por ingleje de carater pop, rock y sambëgn inće gospel-religius.
Les ćianties che é gnüdes portades dant é gnüdes tutes da „hits“ dla musiga moderna, olache an po destrà fora en fi lian adüm deplü artisć conesciüs sura döt le monn y respidlëia caraters desvalies. Da Michael Jackson, le „King of Pop“ cun süa „Man in the mirror“, a Sting cun „Fields of Gold“ passan da Freddy Mercury y süa „Somebody to Love“, él inće da ciafè „Hello, Goodbye“ de John Lennon y Paul McCartney, mëmbri di Beatles y Brenton Brown cun süa „Lord, Rein in me“, ćiantia che é deventada n pü’simbol dl grup de ćiantarins Kyrios. En repertore cun na gran varieté, cun ćianties a cater o deplü usc, sciöche inće cun tòć por solisć acompagnades da musizisć dla band.
Prëibel tolede sö contat cun nos chilò por ciafè plö informaziuns sön le CD.